Badal saka na judai k gham utha kar bhi........

Badal saka na judai k gham utha kar bhi
K main to main hi raha,tujh se door ja kar bhi

Main sakht jaan tha is karb se bhi bach nikla
Main jee raha hoon tujhe hath se ganwa kar bhi

KHUDA kare k tujhe doori hi raas aa jaaye
Tu kya karay gi bhala ab yahan pe aa kar bhi

Abhi to mere bikhrne ka khyal baqi hai
Main khush nahin hoon abhi apna ghar luta kar bhi

Main us ko satah se mehsoos kar k bhi khush hoon
Woh mutma-in hi nahin meri teh ko pa kar bhi

Abhi tak us ne koi bhi to faisla nahin kiya
Woh chup hai mujh ko har ik Tarah aazma kar bhi

Is hujoom mein lar bhirr k zindagi kar lo
Raha na jaaye ga duniya se door ja kar bhi

Khula yeh bhed k tanhaaiyaan hi qismat hain
Ik umar dekh liya mehfilain saja kar bhi

Ruka na zulm mere raakh ban-nay par bhi
Hawa ki khu to wohi hai mujhe jala kar bhi…..!!!

Prince : +918950008824
pawan.goyat@gmail.com